ماني فاكر ..

ماني فاكر ياعذابي . . . ماني فاكر
ليش عن روحي أسافر !
ضعت في ليلة غريبة
فيها ودّعت الحبيبة
ماتت بقلبي المشاعر . . . ماني فاكر
إنتِ قطعة من السما والا سحاب ؟
إنتِ في الواقع حقيقة أو سراب ؟
والا إنتِ طيف جاني
من صنع وهمي أو عوالم من ضباب . . . ماني فاكر
صرت كافر ..
بالأماني والهوى ودنيا سعيدة
صرت جاهل ..
كيف أخلي الدمعة بعيونك قصيدة
كيف ارسمك بالغياب
أو اوصفك بالعذاب
والأسى فاتح بعمري ألف باب . . . ماني فاكر
حروف شوقي تنتحر
في بحر همّ الدفاتر
آهااات صدري تنتثر
في كلمة بتحدد مصائر
(الوداع) . .
شوكة مزروعة بغرابة
في حديقة كل شاعر . . . ماني فاكر
لو تشوفي ياحياتي . . . ماني فاكر
غير حزني وحسرتي
وكلمة أحبك للأسف
صنّفوها من الكبائر
ماني فاكر . . .